Llongyfarchiadau i terfynwyr Gwobr Gwneuthurwyr Newydd Potclays (mewn cysylltiad â Sefydliad Serameg Sanbao Jingdezhen)
Henrietta MacPhee
Eusebio Sanchez
Kim Colebrook
Micaela Schoop
Bydd pob terfynwr yn rhoi cyflwyniad yn yr Ŵyl a hefyd yn arddangos peth o’u gwaith. Bydd un o’r artistiaid a gyrhaeddodd y rownd derfynol yn derbyn Gwobr Artist Gwadd Rhyngwladol Potclays a’r ICF i Wneuthurwyr Newydd 2019 a fydd yn cymryd rhan yn Sefydliad Celf Serameg Sanbao Jingdezhen yn Tsieina rhwng Ebrill a Mai neu Fedi a Thachwedd 2020.
Dechreuodd Gwobr Gwneuthurwyr Newydd Potclays yn 2011. Mae’n gyfle i grochenwyr ac artistiaid yn y DU sy’n gweithio gyda chlai ac sydd wedi graddio yn ystod y pum mlynedd diwethaf, roi cyflwyniad byr ac arddangos eu gwaith yng Ngŵyl Serameg Ryngwladol 2019.
Dewisir pedwar gwneuthurwr i wneud cyflwyniadau yn yr ŵyl (cyflwyniad PowerPoint). Bydd cynnwys y cyflwyniadau hyn yn canolbwyntio ar eu gwaith cyfredol a sut y gallai hyn ddatblygu yn ystod y cynllun Artist Gwadd Rhyngwladol. Bydd y cyflwyniadau’n para 15 munud yr un (gan gynnwys sesiwn holi ac ateb).
Bydd gan yr holl gystadleuwyr yn y rownd derfynol broffil ar wefan ICF ac rydym yn argymell bod ganddyn nhw wefan neu flog i gysylltu hefo hefyd. Bydd y pedwar sydd wedi cyrraedd y rownd derfynol yn parhau i dderbyn cefnogaeth gan yr ICF o ran rhoi cyhoeddusrwydd i’w weithgareddau ar draws cyfryngau cymdeithasol ICF yn yr amser tan yr Ŵyl nesaf o leiaf.
Gofynnir hefyd i’r pedwar sydd wedi cyrraedd y rownd derfynol ddod â detholiad o’u gwaith i gymryd rhan yn arddangosfa’r Gwneuthurwyr Newydd yn ystod y penwythnos. Bydd pawb sy’n cyrraedd y rownd derfynol yn cael tocyn penwythnos a lle i aros ar gyfer yr Ŵyl Serameg Ryngwladol 2019.
Bydd Potclays yn cynnig 12 mis o ostyngiadau i bob un o’r terfynwyr, cyfweliad a gyhoeddir ar wefan Potclays, a chefnogaeth barhaus ar gyfryngau cymdeithasol a digidol e.e. datganiadau i’r wasg ar gyfer eu newyddion a’u digwyddiadau yn cael eu cyhoeddi yn eu cylchlythyrau e-bost misol.
Sefydliad Serameg Sanbao Jingdezhen oedd y lle cyntaf yn Tsieina i dderbyn artistiaid serameg rhyngwladol o bob cwr o’r byd. Ers 1998, mae dros 800 o artistiaid a chrochenwyr wedi bod i Sanbao i gymryd rhan mewn preswyliadau. Mae’r sefydliad yn cynnal technegau ffordd o fyw a chrefftau traddodiadol, ac yn derbyn artistiaid o bob math i ddod i ddatblygu eu syniadau.
Ymgeiswyr::
Mae ceisiadau ar gyfer ICF 2019 bellach ar gau. Bydd y gystadleuaeth yn ailagor yn 2020 ar gyfer ICF 2021.
Rhaid i ymgeiswyr fod dros 18 oed ac wedi’u lleoli yn y DU. Rhaid eu bod wedi graddio o brifysgol yn y DU neu sefydliad Addysg Uwch yn ystod y 5 mlynedd diwethaf, mae hyn yn cynnwys myfyrwyr a fydd yn graddio erbyn mis Gorffennaf 2019.
Y Broses Ymgeisio:
Gofynnir i ymgeiswyr anfon copi o’u cyflwyniad gyda nodiadau ynghyd ag un ddalen A4 yn disgrifio prosiect yr hoffent ei gwblhau yn ystod eu harhosiad gyda’r sefydliad rhyngwladol.
Y Broses Ddethol:
Ar ôl derbyn pob cais am y gystadleuaeth, bydd panel dewis yr ICF yn dewis y rhai sy’n cyrraedd y rownd derfynol. Bydd y panel dethol yn cynnwys: Cynrychiolwyr Potclays, Cyfarwyddwyr yr ICF a Wenying Li, Cyfarwyddwr Rhaglen, Sefydliad Celf Serameg Sanbao Jingdezhen.
Dewisir enillydd Gwobr Artist Gwadd Rhyngwladol Potclays a’r ICF i Wneuthurwyr Newydd 2019 yn seiliedig ar eu cyflwyniad llawn a’r gwaith y maent yn ei arddangos yn ystod penwythnos yr ICF lle bydd y cyhoedd hefyd yn gallu cyfrannu tuag at y pleidleisio.
Mae’r dewis yn seiliedig ar y meini prawf canlynol:
1. Safon a chwmpas gwaith yr ymgeisydd.
2. Y gwaith, yr arddangosfa a gweithgareddau eraill y mae’r ymgeisydd wedi bod yn rhan ohonynt ers gorffen addysg.
3. Potensial yr ymgeisydd i fanteisio ar gyfleoedd yn y dyfodol a allai gael eu creu gan y cynllun hwn a datblygiadau gyrfa posibl yn y dyfodol.
4. Teilyngdod y prosiect arfaethedig y bydd yr ymgeisydd yn gweithio arno yn ystod ei arhosiad gyda’r sefydliad rhyngwladol.
Bydd hwn yn breswylfa 3 wythnos a bydd yn digwydd rhwng Ebrill a Mai neu Fedi a Thachwedd 2020 yn Sefydliad Celf Serameg Sanbao Jingdezhen.
Bydd Sefydliad Celf Serameg Sanbao Jingdezhen yn darparu:
• gofod stiwdio
• deunyddiau
• tanio
• tri phryd o fwyd y dydd
• ystafell gydag ystafell ymolchi gyhoeddus
(Gall yr enillydd uwchraddio ei lety i ystafell gydag ystafell ymolchi breifat neu ymestyn ei arhosiad y tu hwnt i 3 wythnos ar ei draul ei hun).
Bydd yr Ŵyl Serameg Ryngwladol yn darparu:
• Cost economi taith awyr yn dychwelyd o faes awyr yn y DU i Shanghai
• Cost llety un noson yn Shanghai ar gyfer teithio bob ffordd.
• Cost y trosglwyddiad o Shanghai i Sefydliad Celf Serameg Sanbao Jingdezhen a dychwelyd.
Bydd Potclays yn darparu:
• Taleb £200 ar gyfer cyflenwadau gan Potclays LTD.
• Darn gwobr Gwneuthurwyr Newydd
• Tystysgrif wedi’i fframio.
Disgwylir i enillydd y wobr weithio ar ei brosiect arfaethedig yn ystod ei arhosiad yn Sefydliad Celf Serameg Sanbao Jingdezhen. Yn ystod y cyfnod preswyl efallai y gofynnir iddynt roi sgwrs am eu gwaith i artistiaid eraill. Gallant hefyd gynnal stiwdio agored ar ddiwedd y cyfnod neu ofyn iddynt gymryd rhan mewn arddangosfa.
Mae’r Ŵyl Serameg hefyd yn gofyn i enillydd y wobr roi darlith yng ngŵyl 2021 am eu harhosiad yn Sefydliad Celf Serameg Sanbao Jingdezhen a sut mae eu gwaith wedi datblygu ers hynny. Bydd hyn yn helpu i hyrwyddo’r cynllun i ymgeiswyr yn y blynyddoedd i ddod. Mae’r ICF yn cytuno i ddarparu llety a thocyn i Ŵyl 2021.
Gwerthuso ac Adrodd ar y Wobr:
Mae’r Ŵyl Serameg yn gofyn bod enillydd y wobr yn darparu diweddariadau cynnydd rheolaidd yn ystod eu harhosiad yn Sefydliad Celf Serameg Sanbao Jingdezhen a fydd yn cael ei bostio ar wefannau cyfryngau cymdeithasol yr ICF, Potclays a Sefydliad Celf Serameg Sanbao Jingdezhen i hyrwyddo’r cydweithrediad a’r cynllun artistiaid sy’n ymweld. Disgwylir i’r enillydd hefyd ysgrifennu blog ar-lein rheolaidd am y cyfnod preswyl.
Ar ôl yr ŵyl gofynnir i enillydd y wobr ysgrifennu adroddiad am y wobr gan ddarparu manylion am sut y gwnaeth hyn helpu / dylanwadu ar eu gwaith. Bydd copi electronig o hwn ar gael (gyda chytundeb yr enillwyr) ar gyfer gwefan yr ICF.
Llinell Amser:
Mawrth 2019: Ceisiadau Gwobr Gwneuthurwyr Newydd yn agor
30ain Ebrill 2019: Dyddiad cau ar gyfer ceisiadau am Wobr Gwneuthurwyr Newydd
13eg Mai 2019: Dewiswyd pedwar Gwneuthurwr i roi cyflwyniadau ac arddangos yn yr ŵyl.
Gorffennaf 2019: Enillydd y wobr wedi’i dewis yn ystod yr Ŵyl 05ed -07fed Gorffennaf 2019
Cyn Ionawr 2021: Enillydd y wobr yn cwblhau preswyliad yn Sefydliad Celf Serameg Sanbao.
Cefnogir y wobr hon gan Potclays LTD, Sefydliad Celf Serameg Sanbao Jingdezhen, a Chyngor Celfyddydau Cymru.
Mewn cydweithrediad â Sefydliad Archie Bray
Yn 2017 enillydd y Wobr Artistiaid ar Ymweliad Rhyngwladol Gwneuthurwyr Newydd oedd Emily Waugh
(isod) a fydd yn ymweld â Sefydliad Archie Bray yn UDA yn 2020. Gan fod safon ac ansawdd y gwaith
gan y terfynwyr 2017 i gyd wedi creu argraff dda at Potclays, sydd yn noddi’r wobr hon, maen nhw wedi
cytuno’n hael i gefnogi pob un o’r pedwar sydd wedi cyrraedd y rownd derfynol dros y 12 mis nesaf.
Gwobrau Artistiaid ar Ymweliad Rhyngwladol Gwneuthurwyr Newydd 2017: L-R Becky Otter (Potclays), Emily Waugh (Enillydd), James Otter (Potclays)
Terfynwyr Gwobr Gwneuthurwyr Newydd 2017 (cliciwch ar bob enw am fwy o wybodaeth):
Emily Waugh
Kate Haywood
Katherine Lees
Verity Howard
Lanty Ball
Enillydd 2015 oedd Lanty Ball a gallwch ddarllen am ei preswylfa yn Sefydliad Archie Bray ar ei flog yma: Preswyliad Lanty Ball Archie Bray 2016
